листај по издавач            листај по урнек


Согласно Глава 6 од Правилата за котација, известуваме за следната ценовно чувствителна информација:

Комерцијална банка АД Скопје ја известува јавноста дека заклучно со 29.11.2017 година, досегашниот акционер со квалификувано учество Европската банка за обнова и развој (EBRD) го продаде својот удел од 5,245% во вкупниот капитал на Банката.

 

Во продолжение е преводот на текстот на официјалното соопштение од ЕБРД (кое е дадено во прилог):

ЕБОР го продаде својот 5,245 процентен удел во Комерцијална банка АД Скопје, најголемиот кредитор во ПЈР Македонија, како дел од нејзините редовни портфолио – менаџмент операции. Како знак на доверба во локалниот пазар на капитал, трансакцијата се реализираше на Македонската берза за хартии од вредност.

ЕБОР инвестираше во Комерцијална банка АД Скопје во 1996 година. Како акционер, ЕБОР има значително влијание врз растот и развојот на Комерцијална банка АД Скопје во текот на изминатите 20 години. Банката придонесе за зајакнувањето на кредитните политики на Комерцијална банка АД Скопје како и за зголемувањето на интересот на инвеститорите.

Главниот извршен директор на Комерцијална банка Хари Костов изјави: „Комерцијална банка АД Скопје би сакала да изрази благодарност до досегашниот акционер ЕБОР.  И покрај вообичаената процедура на ЕБОР да биде акционер во банка во просечен период од пет години, ЕБОР беше акционер во Комерцијална банка повеќе од 20 години, што значително придонесува за растот и развојот на банката во тој период. Се надеваме на успешна понатамошна соработка со ЕБОР во другите области на банкарството и инвестициските операции".

ЕБОР и понатаму ја поддржува Комерцијална банка АД Скопје, која е една од најактивните корисници на Програмата за олеснување на трговијата на ЕБОР и партнер при дисперзија на ризик во финансирање на општинските проекти.

ЕБОР е главен институционален инвеститор во ПЈР Македонија. До денес, има инвестирано 1,6 милијарди евра во повеќе од 100 проекти.


EBRD sells stake in Komercijalna Banka AD Skopje.pdf

Објавено на: 29.11.2017 15:38:46
Документ БР.: DOC_10191-490/2017
Урнек: Други ценовно чувствителни информации