листај по издавач            листај по урнек


Согласно Глава 6 од Правилата за котација, известуваме за следната ценовно чувствителна информација:

НЛБ д.д. Љубљана и НЛБ Банка АД Скопје склучија договор со реосигурителната компанија Сава Ре д.д. Љубљана за продажба 100% од акциите на НЛБ Нов пензиски фонд АД Скопје

 

 

Денес, 12 декември 2017 година, во Скопје НЛБ д.д. Љубљана и НЛБ Банка АД Скопје склучија договор со реосигурителната компанија Сава Ре д.д. Љубљана, за продажба на 100% од акциите на НЛБ Нов пензиски фонд АД, Скопје. НЛБ д.д. Љубљана, поседуваше 51% од акциите додека НЛБ Банка АД Скопје поседуваше 49% акции во НЛБ Нов пензиски фонд.

 

Во март 2017 година, НЛБ д.д. Љубљана и  НЛБ Банка АД Скопје го овластија Секторот за корпоративни финансии на НЛБ д.д. Љубљана да спроведе отворена и транспарентна постапка за продажба на 100% акции на НЛБ Нов пензиски фонд АД Скопје. Продажбата беше спроведена во две фази. Во првата фаза, која траеше до мај 2017 година, заинтересираните инвеститори беа поканети да достават обврзувачки понуди. Постапката се одвиваше на професионален начин, во согласност со меѓународните добри практики и во поглед на вклучување на сите потенцијално заинтересирани инвеститори. Постапката беше целосно транспарентна.

 

Одлуката за продажба на НЛБ Нов пензиски фонд АД Скопје, ја следи стратегијата на НЛБ Групацијата, со која се дефинира повлекувањето на НЛБ Групацијата од работењето со пензиски фондови. Сепак, Република Македонија останува еден од стратешките пазари на НЛБ Групацијата. НЛБ Банка АД Скопје е една од најголемите и најзначајните банки во НЛБ Групацијата и во иднина, со понатамошен развој на бизнисот, НЛБ Групацијата уште повеќе ќе го зголеми обемот на своето работење во Република Македонија.

Објавено на: 12.12.2017 13:09:18
Документ БР.: DOC_10191-498/2017
Урнек: Други ценовно чувствителни информации