листај по издавач            листај по урнек


Согласно Глава 6 од Правилата за котација, известуваме за следната ценовно чувствителна информација:

 

Промоција на најновата услуга на Комерцијална банка АД Скопје – “ KomPay – Твојот мобилен паричник

Комерцијална банка АД Скопје во соработка со MasterCard  ја претстави стратегиски иновативната услуга KomPay. Со воведувањето на мобилна апликација која овозможува најсовремена технологија за спроведување бесконтактни плаќања со дебитни и кредитни картички издадени од страна на Банката, Комерцијална банка АД Скопје е прва банка во Република Македонија што ја обезбедува оваа услуга за своите клиенти. Новата технологија на плаќање е сè уште во зачеток и кај земјите во опкружувањето.

KomPay е мобилна апликација наменета за физички или за правни лица - корисници на Mastercard платежни картички, кои поседуваат мобилен уред со Andrоid оперативен систем.  Со помош на  NFC технологијата за плаќања, мобилната апликација станува „мобилен паричник“ кој ќе им обезбеди на корисниците побрзо и поедноставно плаќање.

Апликацијата нуди можност за дигитализација на неограничен број картички кои ги поседува корисникот, и на тој начин преку својот мобилен уред тој ќе може да врши бесконтактни плаќања на продажни места кои поддржуваат PayPass технологија. KomPay може бесплатно да се преземе преку Google Play Store, а во промотивниот период до 30.04.2018 година, корисниците ќе имаат можност бесплатно да дигитализираат до две картички по сопствен избор. По истекот на наведениот период за дигитализирање на картичка ќе се наплатува еднократен надомест од 150 денари по картичка. Пристапот до апликацијата, како и вршењето на плаќањата се спроведува со внесување мобилен ПИН-код, кој го генерира самиот корисник при првото регистрирање на мобилната апликација.

Едноставноста, брзината и сигурноста се едни од клучните предности на оваа апликација. Преку нејзиното користење се добива можност за спроведување бесконтактни плаќања со мобилниот уред на продажни места ширум светот. На овој начин на корисниците им е овозможено да заштедат време, кое може да го искористат за суштински активности.

Објавено на: 27.02.2018 14:33:02
Документ БР.: DOC_10191-72/2018
Урнек: Други ценовно чувствителни информации