листај по издавач            листај по урнек


Согласно Глава 6 од Правилата за котација, известуваме за следниве измени во органите на управување:

Надзорниот одбор на НЛБ Банка АД Скопје на 98. седница одржана на датум 28.10.2021 година назначи и потврди промени во раководството на Банката. По шестгодишно успешно управување со Банката, актуелниот Претседател на Управниот одбор, Антонио Аргир, е унапреден на нова позиција во седиштето на НЛБ д.д. Љубљана, како Извршен помошник на Управниот одбор на НЛБ д.д., одговорен за управување со НЛБ Групацијата. Надзорниот одбор го именуваше Бранко Грегановиќ за нов Претседател на Управниот одбор на НЛБ Банка Скопје, во очекување на потребните одобренија.

Антонио Аргир, функцијата Претседател на Управниот одбор на НЛБ Банка Скопје ќе ја извршува до крајот на годината, а новата функција ќе ја преземе во јануари 2022 година. На новата позиција тој ќе биде одговорен за управување со банките членки на НЛБ Групацијата и други небанкарски членки, поддржувајќи ги сите клучни активности на Групацијата во регионот.

Како што беше споменато, Надзорниот одбор на НЛБ Банка Скопје го номинираше Бранко Грегановиќ, поранешен Главен извршен директор и Главен финансиски директор на НЛБ Банка Белград за нов Претседател на Управниот одбор на НЛБ Банка Скопје. Функцијата ќе ја преземе откако ќе ги добие сите потребни дозволи од надлежните институции и лиценцата од Народната банка на Република Северна Македонија. Дотогаш, Грегановиќ ќе ја извршува функцијата помошник на Управниот одбор на НЛБ Банка Скопје.

 

Објавено на: 29.10.2021 09:18:02
Документ БР.: DOC_12285-46/2021
Урнек: Измени во органи на управување