листај по издавач            листај по урнек


Согласно Глава 6 од Правилата за котација, известуваме за следната ценовно чувствителна информација:

Почитувани акционери, клиенти, партнери и вработени, соработници, поширока јавност,

Со задоволство можеме да го објаваме успешното присоединување на ВИНЕР – Виена Иншуренс Груп Скопје кон МАКЕДОНИЈА Осигурување АД Скопје – Виена Иншуренс Груп.

Подолу е обраќањето на г-дин Бошко Андов, Претседател на Управниот одбор и Генерален менаџер на  МАКЕДОНИЈА Осигурување АД Скопје – Виена Иншуренс Груп:

„Ова присоединување е стратешки чекор за уште подобра услуга на нашите клиенти како и нови можности за раст и иновации под единствен бренд - МАКЕДОНИЈА Осигурување АД Скопје – Виена Иншуренс Груп, првата институција за осигурување во Македонија со традиција од безмалку 80 години во дејноста.

Посветени сме на одржување на највисоките стандарди на услуга и како што ги интегрираме нашите операции, ќе продолжиме да обезбедуваме беспрекорна транзиција за нашите клиенти, со непрекината услуга и континуирана посветеност на задоволување на потребите на пазарот за квалитетно осигурување.

На нашите вработени, сакам да им изразам најдлабока благодарност за напорната работа која беше клучна за постигнување на обврските со присоединувањето и уверен сум дека заедно ќе постигнеме уште поголем успех. На нашите клиенти и партнери, им благодариме за континуираната доверба и поддршка. На клиентите на досегашната ВИНЕР – Виена Иншуренс Груп АД Скопје им посакуваме добредојде во МАКЕДОНИЈА Осигурување АД Скопје – Виена Иншуренс Груп. Заедно, ние сме посилни, а со вашата доверба и во иднина, остануваме ЗАЕДНО СИГУРНИ.“

Барања на досегашни клиенти на ВИНЕР – Виена Иншуренс Груп АД Скопје за веќе дадените услуги како и барања за идни услуги ќе може да ги реализираат и понатаму  преку постојните вработени и продажни агенти кои и досега се лица за контакт, во ребрендираните подружници. За периодот на важноста на договорите за осигурување, осигурениците на ВИНЕР – Виена Иншуренс Груп АД Скопје своите права, обврски и одговорности кои произлегуваат од истите, ќе продолжат непречено да ги остваруваат преку Акционерското друштво за осигурување и реосигурување МАКЕДОНИЈА АД Скопје – Виена Иншуренс Груп, со седиште на ул. 11 Октомври бр.25 Скопје. www.insumak.mk


82.Resenie za prisoedinuvanje Osig Makedonija.pdf
83.Resenie za brisenje Winner.pdf

Објавено на: 28.06.2024 09:44:10
Документ БР.: DOC_10191-485/2024
Урнек: Други ценовно чувствителни информации